Nur Otan " партиясының кезекті съезі туралы

1 наурызда "Nur Otan"партиясының кезектен тыс XXII съезі өтті. Осыған байланысты "Ақмола облысы білім басқармасының Атбасар ауданы бойынша білім бөлімінің Атбасар қаласының № 1 жалпы білім беретін мектебі" КММ-де Zoom платформасында отырыс өтті. Отырыс жұмысын мектеп директоры Бекова Любовь Герихановна ашты. Тарих пәнінің мұғалімі Ж.М. Идрисова әріптестерін Президент Қ. Тоқаевтың тезистерімен таныстырды.

Мемлекет басшысы Қ.Тоқаев осы съезде "Ел жаңа Қазақстанды құру жөніндегі орасан зор міндетті орындауға кірісті. Алда мемлекет тағдырын шешетін өте маңызды жұмыс күтіп тұр. Ол үшін жаңа мақсаттар мен міндеттерді айқындау қажет, ал билік партиясы барлық реформалардың катализаторы болуға тиіс".

Саяси ұйымның атауын "Аманат" деп өзгерту ұсынылды.  "Аманат" сөзі "ата-бабалар өсиеті" және "болашақ ұрпаққа жаза"дегенді білдіреді. Аманат-халқымыздың тарихы мен мәдениетінде ерекше символизмге ие терең ұғым. Ол тәуелсіздіктің өшпес мұраттарын, қуатты мемлекеттілік пен жалпыұлттық бірлік құндылықтарын, ата-бабаларымыз мұра етіп қалдырған Отанымыздың шексіз кеңдігін бейнелейді. Біз осы баға жетпес мұраны сақтап, нығайтуымыз керек. Біздің өткен және болашақ ұрпақ алдындағы қасиетті парызымыз осы. Сондықтан мен партиямыздың ресми "Аманат" атауын толық қолдаймын", – деді Қ.Қ. Тоқаев. Съезд делегаттары партия төрағасын бірауыздан қолдады.

Президенттің айтуынша, қойылған барлық міндеттер барынша қысқа мерзімде орындалуы тиіс. Партия төрағасы Орталық аппаратқа жұмыс тобын құруды және жаңа партия платформасын дайындауға кірісуді тапсырды. Оның пікірінше, "Аманат" - бұл парасатты мағынадағы центристік партия, әділеттілік партиясы, халық бірлігі партиясы, алға қарай нық қадам басу партиясы, халықтың пікірін, ұмтылысын тыңдайтын және біздің азаматтарымыздың мүддесі үшін әрекет ететін партия".