«Күзгі калейдоскоп» мерекесі

П.И.Чайковскийдің  «Времена года»  музыкасы аясында 1 «Г» сынып оқушылары көркем безендірілген  кабинетке кірді. Мұғалім  Адомайтис Екатерина Сергеевна балалар мерекесін танымдық әрі қызықты жұмбақпен бастады. 

 Оқушылар жұмбақтың шешуін тез тауып, күздің белгілері туралы әңгімелеп берді. Содан кейін мұғалім  балаларға мерекенің басты қонағы Күзді ортаға шақыру туралы ұсыныс жасады. «Күз, ортамызға кел, таңғажайыптарыңды бер!» деп балалар қонақты шақырып алды. Қолына гүл шоғын ұстаған, керемет сұлулығымен көз тартатын Күз келіп, балалармен танысты, оны өз ортасына алған балаларға алғыс білдірді, мерекені бірге атауға шақырды. 

      Мәре –сәре болған балалар өздарының қабілеттерін жан-жақты көрсетуге тырысты. Олар күздің келбеті мен сипаты туралы  өлеңдер оқыды, құстардың жылы жаққа ұшып кететіні жайлы айтты, диқаншылардың баға жетпес еңбегі туралы, бау-бақшадағы жеміс-жидектер, көкеністер жиналатын қызу еңбек туралы әңгімеледі. Әр бала өзініің Күз туралы өлеңін мәнерлеп  оқып берді.

     Содан кейін Күз балаларға күз айлары туралы жұмбақты жасырып,  оның белгілері мен нышандары ел ішіндегі ырымдармен таныстырып,  әңгімелеп берді. Мысалы: Жаз – шөпті, күз-нанды келеді. Жазда өрмекші торы көп болса, күз –ашық, қыс – суық болады.Қазан айында күн күркіресе, қыс қарлы болады. 

Жапырақтар кеш түссе – қыс қатал, әрі ұзақ болады.

 1 « Г»  сыныптың оқушылары қолшатырларын қолға алып,   мың бұрала билеген биін Күзге тарту етті. Содан кейін « Улетели птицы» ойынына белсенді қатысты. Екатерина Сергеевна өлең оқыды, балалар оны мұқият тыңдап, артық  сөзді естіген кезде қатты-қатты  қол соғып белгі берді.

Улетели птицы.

Голуби, куницы.

Улетели птицы

Голуби, синицы

Мухи и стрижи…..

  «Реклама овощей» ойыны барысында балалар өздерінің актерлік шеберліктерін көрсетті. Олар көкеністерді танумен  қатар, оның адам ағзасына келтіретін пайдасы туралы айтып берді. Мереке соңында балалар  «Чудесная осень» әнін орындады.