Ерекше білімдік қажеттіліктері бар балаларды оқыту және тәрбиелеудегі заманауи технологиялар

Ерекше білімдік қажеттіліктері бар балаларға  денсаулығы мен дамуында ауытқушылық жоқ, дені  сау балалармен бірдей, тең дәрежеде  білімдік мекемелерге бару мүмкіндігін ұсыну қазіргі күні  оқыту және тәрбиелеудегі    заманауи тенденциялардың бірі  болып табылады. Бұл тенденция «Инклюзивтік білім беру» деп аталды және қоғам арасында кең тарады. Қазақстан  Республикасы педагогикалық кадрларының біліктілігін артыру мақсатында,  Нұр-Сұлтан қ. «Agzhan»  ғылыми-білімдік орталығымен «Современные технологии обучения и воспитания детей с особыми образовательными потребностями» білімдік бағдарламасы бойынша педагогтар мен тәрбиешілерге арналған курстар ұйымдастырылды. Курстардың бағдарламасы инклюзивті білім беру саласындағы жаңа білімдерді ұсынуды  және  педагогтың инклюзивті білімдік үдерістегі  тұрғысының ерекшелігін есепке ала отырып кәсіби қызметке дайындау мүмкіндігін  көздеді.  №1ОМ алты  педагогы курстық бағдарламаны табысты  оқып, өздерінің  педагогикалық білімі мен  шеберліктерін арттырумен қатар, тағы бір сертификат иеленді.