Атбасар қаласының тарихи-өлкетану мұражайына саяхат

№1ОМ  5-ші сынып оқушылары  2019 жылдың 3 қазаны күні «Рухани жаңғыру» бағдарламасы,  «Тәрбие және білім» 1кші бағдарламасын жүзеге асыру аясындағы шаралардың жоспарына сәйкес тарихи-өлкетану мұражайына саяхатқа барды.   
Балалардың назарына мұражай залдары бойынша аса тартымды, танымды саяхат ұйымдастырылды олар түрлі  экспозициялармен танысты. Әр залда балалар ата-бабаларының тұрмысы, салты мен дәстүрі, тіршілік тынысы, еңбек жолымен қатар, біздің еліміздің даму, өркендеу өсі  барысымен танысты. Залдағы жәдігерлер балаларға ой салып, жандарына шуақ сыйлады. Оқушылар тарих рухын сезініп, өткен өмірге бойлағандай болды.  Туған жерлерінің  флорасымен,  фаунасымен танысты, біздің өлкемізде тіршілік еткен ежелгі жануарлардың қаңқаларымен танысып, ерте замандағы ата-бабаларының еңбек құралдарын тамашалады.  Біздің тарихымыздың орта ғасыр дәуіріне арналған этнографиялық  залда балалар киіз және оның  үй жасаулары, ұлттық киімдер, зергерлік бұйымдар, ағаштан, теріден,сүйектен жасалған бұйымдар тәрізді көптеген заттарды қарады. Оқушылар саяхат жүргізушінің өлкемізде тұрып жатқан әр түрлі халықтардың тұрмыс-тіршілігі  жайлы  әңгімесін қызыға тыңдады.  «Қала тарихы» залында балалар кезінде Ресейден, Украинадан  көшіп келген шаруалардың тұрмыс бұйымдарымен  танысты, өлкеміздің мақтанышына айналған адамдар туралы білді.   Біздің республикамызда 19-20 ғғ.  Өмір сүрге ұлттар  мен ұлыстардың тұрмыстық заттарын қызыға қарады. «Әскери даңқ» залында ордендермен және  медальдармен марапатталған соғыс ардагерлерінің  фотопортреттерін  қарап, сүйсінді. Сөрелерде  наградалар мен  наградтау куәліктері, алғыс хаттар, соғысқа қатысушылардың жеке  хаттары, соғыс кезіндегі хат алмасу, қару-жарақтардың   макеттері де оқушыларды бей-жай қалдырмады. Балалар мұражайдан керемет әрі жарқын  әсер алып шықты.