Мұғалім мамандығы-жер бетіндегі барлық ізгі бастамалардың негізі

Ұрпақтар сабақтастығы деген ізгі іспен

 айналысатын даналығы мол   ұлы адам  –Ұстаз

 атын халық    бекер  биік бағаламаған.

Ұстаздар күні – еліміздің мектептеріндегі ең жарқын мерекелердің бірі. Бұл тамаша және қатал, мейірімді және шыдамды, сезімтал және әділ, балалар өміріндегі ең дана да данышпан  тәлімгерлер мерекесі. Оларсыз құдіретті саясаткер де, даңқты қаһарман да болмас еді: бір кездері ұстаз олардың әрқайсысына өмір есігін ашқан.

Бұл күнді «Ақмола облысы білім басқармасының Атбасар ауданы бойынша білім бөлімінің Атбасар қаласының №1 орта мектебі» КММ-нің барлық оқытушылары мен оқушылары салтанатты түрде қарсы алды. Таңертеңнен бастап мектепте мерекелік атмосфера орнады. Мектеп фойесіндегі балалар педагогтарды осы тамаша мерекемен шын жүректен құттықтап, өздерінің ұстаздарына шын жүректен тілектерін білдірді.Республика бойынша барлық білім беру ұйымдарында «Қос күн» өткізіліп, 10-11 сынып оқушылары мектеп әкімшілігі, пән мұғалімдері қызметін атқаруға мүмкіндік алды. Барлық білім алушылар  бұл рөлге жауапкершілікпен қарап, өздерін ұстаз ретінде сезініп, оқушыларына шығармашылық, көңілді және сапалы сабақтар өткізді.

Шара мектеп оқушыларының дайындаған мерекелік концертімен жалғасты. Құттықтау сөзімен педагогикалық еңбек ардагерлері, мектеп ұжымы, мектеп директоры Л.Г. Бекова: «Педагогикалық еңбек ардагерлерінің өлшеусіз үлесі мектеп шежіресіне алтын әріптермен жазылды. Ұстаздар Қазақстанның өскелең ұрпағы үшін күн сайын тынымсыз қамқорлық көрсетуде. Әр күн шабыт беріп, күш-қуат пен мамандыққа деген сарқылмас сенім берсін. Педагогикалық еңбек ардагерлері атынан Л.В.Гопаненко алғыс сөздермен жылы лебіздерін білдірді. Концерттік бағдарламаны мектеп директорының тәрбие ісі жөніндегі орынбасары Наймушин Д.Г., кеңесші Д.Ж.Саттарованың жетекшілігімен мектептің өзін-өзі басқару жетекшілері дайындады. Мектеп оқушылары шын жүректен өлеңдер оқыды, түрлі музыкалық шығармаларды  орындады. Сондай-ақ мектеп ұстаздары туралы мерекелік бейнеролик көрсетілді. Мерекелік іс-шара хореограф А.В. Бадлоның жетекшілігімен  дайындалған мектеп оқушыларының  заманауи биімен аяқталды.

Әркімнің мектеп жылдарындағы өз естеліктері бар, сондықтан әркім өзінің сүйікті мұғалімін құттықтап, тіпті оның рөлін ойнай алатын осындай мерекенің болғаны жақсы. Міне, біздің мектепте күздің осы бір тамаша күні  естен кетпестей қызықты   өтті. Осы мектеп ғимаратында өткізілген барлық іс-шараларда жылылық, жайлылық, шынайылық және өзара көмек атмосферасы орнады.