IQanat олимпиадасының ашылуы

Білімді, сауатты тұлға тәрбиелеу – мемлекетіміздің басты міндеті. Ол үшін білім беру жүйесінде түрлі жағдайлар жасалған. Қазіргі жобалардың бірі – IQanat Olympiad. 2022 жылдың 31 қазанында «Ақмола облысы білім басқармасының Атбасар ауданы бойынша білім беру бөлімінің Атбасар қаласының №1 орта мектебі» КММ базасында IQanat олимпиадасының бірінші облыстық кезеңі өтті. IQanat – «IQanat Educational Foundation» қоғамдық қоры ұйымдастырған білім беру жобасы. Бұл олимпиаданың негізгі мақсаты мен міндеттері қабілетті оқушыларды анықтау және қолдау, ауыл оқушыларының шығармашылық, танымдық бастамасын белсендіру, оқушылардың жалпы білім беретін пәндерді оқуға деген қызығушылығын,қалыптастыру болып табылады. Жоба білім деңгейі жоғары балаларды анықтауға мүмкіндік береді және ауыл мектептеріндегі оқушыларға өзін-өзі көрсетуге және ұлттық және шетелдік университеттердің грант иегері атануға зор мүмкіндік береді. N1 орта мектепте оқушыларға оқу кабинеттері дайындалды. Олимпиаданы ұйымдастырушылар білім алушыларға нәрлі йогурт пен тәтті печеньеден тұратын жеңіл «тіске басар» дайындады. Сонымен қатар, әр қатысушы сыйлыққа IQanat жазуы бар білезік пен түрлі стикерлерді алды. Бұл жоба ауыл студенттерінің жоғары оқу орындарына одан әрі түсуіне қуатты қолдау болып табылады. Жобаның барлық қатысушыларына сәттілік тілейміз!